мерекелік іс шаралар
Мерекелік іс шаралар бойынша атқарылған жұмыстар
1 қазан Қарттар күні. Бұл күні егде жастағыларға, мүгедектерге, жалғыз басты зейнеткерлерге көңіл бөлініп, материалдық, әлеуметтік-тұрмыстық және тағы да басқа көмектер көрсетіледі.
Қарттар – біздің асыл қазынамыз. Ортада жүрген қарияларымыздың бір кезде елі, халқы, келешек ұрпағы үшін жасаған игі істері ерекше орын алады. Қазіргі кезде қарттарға үлкен мән беріп, көңіл аударып, жан- жақты қамқорлық жасалуда. Қазақстанның өсіп- өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы. Олардың өмір жолдары бүгінгі ұрпаққа табылмас қазына. Мектебімізде қарттар күніне орай көптеген іс-шаралар өткізілді. Атап айтқанда, 5-8 орта буын сыныптары арасында «Жүректері теңіздей терең қарттар!» атты тәрбие сағаттар өткізілді. Жоғары 9-10 сыныптар арасында бүгінгі күннің өзекті мәселесі «Қарттарды қамқорлықсыз қалдырмайық!» атты дөңгелек үстел болып өтті. Қазіргі кездегі қарттар үйінде қараусыз қалған қарттар жайлы әр оқушы өз ой-пікірін білдіріп, дайындап әкелген шағын шығармаларын оқыды. Оқушылар шын тілектерін білдіріп, еңбектің зейнетін көріп отырған шақта әр ұрпаққа игілік пен ізгіліктің, пайым-парасаттың үлгісін танытқаны үшін алғыстарын білдірді. Қарт қарияларда оқушыларға шынайы ризашылығын білдіріп, өмірде үлкен табыс тілеп, еліміздің мәртебесі биіктеп, ел-жұртымыздың, келер ұрпақтың, береке-бірлігі таси беруге тіледі.Сондай-ақ мектебіміздің директоры Р.К.Сексенбаеваның ұйымдастырумен жалғыз басты қарт аналарымызға 10 мың көлемінде ақшалай көмектер көрсетіле отырып,арнайы сыйлықтар табысталды.
<!-- [if gte vml 1]> <!-- [if !vml] --> <!-- [endif] --> <!-- [if gte vml 1]> <!-- [if !vml] --> <!-- [endif] -->
1 мамыр – Қазақстан халықтарының бірлігі күні. 1995 жылдың наурызында дүние жүзіне үлгі болып отырған, ұлтаралық татулық пен тұрақтылықтың феномені – Қазақстан халықтары Ассамблеясы құрылды. Бұл ешбір елде болмаған ерекше, саяси маңызы зор құрылым.Осыған орай Суықсай ауылдық округінде мекемелер арасында әр ұлт өкілдерін таныстыру мақсатында бірлігімізді,ынтымағымызды нығайту мақсатында «Ұлттар достығы,ынтымақтастығы» атты үлкен мерекелік іс-шара өтті.Мерекелік кеште әр мекеме өздеріне бөлінген ұлт өкілдерін таныстыра отырып,салт-дәстүрін,тілін,өнерін,ұлттық тағамдарын насихаттап айтып өтті. Бұл күн - әрбір қазақстандық үшін Отанға деген сүйіспеншілік пен патриоттық сезімнің, азаматтық борыш пен жалпы ұлттық келісімнің мерекесі. Халық бірлігі мерекесі күні ел азаматтары ұлт пен ұлыстың өткен кезеңдегі тарихы мен оның сабақтарын дәріптеп, әлемдік қауымдастық тарапынан жоғары бағаланған қазақстандық татулық пен келісімді паш етеді. <!-- [if gte vml 1]> <!-- [if !vml] --> <!-- [endif] --> <!-- [if gte vml 1]> <!-- [if !vml] --> <!-- [endif] -->
Табиғат – тіршілік атаулының құтты қоныс-мекені, тіршіліктің түлеп өсуіне қажетті нәрі, жер бетіне көрік берген сәні. Табиғат, Жер-ана, Атамекен, Туған жер, ауылым, деген бір-бірімен тамырлас әрі тағдырлас. «Туған жердің барлық табиғи қадір қасиеті, ананың ақ сүтімен тұла бойыңа тарайды» демекші, мектебімізде әр сенбі сайын сенбіліктер өтіп тұрады. Маслихат депутаты Р.К Сексенбаева және Суықсай ауылдық округінің әкімі С.Ж Бекбулатов бастаған «Жасыл желек» ұйымымен бірге , және мектеп оқушыларымен бірге, үлкен сенбілік өткізілді.Сенбілікте мектеп ауласына 50 қарағай,50 аққайың ағаштары егілді. Еліміздегі әрбір елді мекенді, әрбір ауланы, жас желекпен көмкеруге, көректендіруге, көгеріштендіруге атсалыса отырып «Бір тал кессең- он тал ек» демекші барлық ауыл тұрғындары тал көшеттерін отырғызуға өз үлестерін қосты.
<!-- [if gte vml 1]> <!-- [if !vml] --> <!-- [endif] --> <!-- [if gte vml 1]> <!-- [if !vml] --> <!-- [endif] -->
Тәуелсіз Қазақстандай ел бар екенін бүкіл әлем мойындап, оның дамуы мен өркендеуіне әлем көз тікті. Ел болып етек-жеңімізді жию барысында тек жетістіктер ғана емес, қиындықтар да болды. Біз соның барлығын жеңіп бүгінгі күн ел егемендігінің 25 жылдық мерейтойына да келіп жеттік. Бірнеше рет әлемге келген дағдарыстардан елдігімізді шайқалтпай аман алып өте алдық. Қазіргі кезде еліміз әлемдік деңгейде аяғын нық басып, өзге елдердің көпшілігі санасатын алып мемлекетке айнала алдық.Осындай дәрежеге жету барысында көптеген істер мен өзгерістер керек болды. Оның барлығына ел дайын емес еді. Осыны халыққа түсіндіріп, ұлы жолда еңбек етіп, еліміздің бағыт-бағдарын айқындап, оның болашағы үшін алаңдап ұлтының ұйысуы үшін аянбай еңбек еткен Елбасымыз екені айдан анық. Ширак ғасыр ішінде ел болып еңсеміз түзелді. Осы аралықта артымызға бұрылып қарасақ қаншама жетістіктер мен жеңістерге ол жеткіздік. Бұл бақытты жолға ұлт көшбасшысы, Елбасымыз Нұрсұлтан Әбішұлы Назарбаевтың сарабдал саясатының арқасында жете алдық. Тәуелсіздігіміздің 25 жылдығына орай мектебімізде 25 іс-шара өтілді. Арасан шекара заставасымен және Юрий Гагарин атындағы орта мектебінің директоры, аудандық маслихат депутаты Р.К.Сексенбаеваның бастауымен мектеп оқушылары және шекара қызметкерлерімен біріге отырып «Ұланамыз-Ұлы елдің» атты кең көлемде аудандық іс-шара өткізілді.Іс-шараға аудандық қорғаныс істер бөлімінің бастығы Ермұханбетов Бауыржан,төтенше жағдайлар бөлімінің бастығы Тиынов Азамат келіп қатысты.
<!-- [if gte vml 1]> <!-- [if !vml] --> <!-- [endif] --> <!-- [if gte vml 1]> <!-- [if !vml] --> <!-- [endif] -->
Суықсай ауылында Қазақстан Республикасының тұңғыш президенті күні қарсаңында «Туған жерге туыңды тік» акциясы негізінде « Шынығу – салауатты өмір салтының негізі», - деген қағиданы ұстана отырып, ауылдың 1978 жылы туған азаматтарының демеушілік ету бастамасымен спорттық кешен салынды.
Оған сол азаматтармен бірге ауылдың әкімі С.Ж. Бекбулатов және ауылдан шыққан аудандық мәсілихат депутаты Р.К.Сексенбаева да өзіндік үлестерін қосты.
«Салауатты өмір салтын қалыптастыру – әрбір азаматтың міндетті. Еліміздің келешегі жастар десек, әлеуметтік – экономикалық жағынан жан-жақты дамыған, өркениетті, мәдениетті мемлекет құруымыз үшін ұрпағымыздың дені сау, салауатты болуы міндетті» - деген ұстанымды басшылыққа ала отырып, ауылда сол спорт кешенінің ашылу салтанатты да болып өтті. Іс-шараға облыстық, аудандық спорт саласының саңлақтары, ауыл тұрғындары қатысты.
<!-- [if gte vml 1]> <!-- [if !vml] --> <!-- [endif] --> <!-- [if gte vml 1]> <!-- [if !vml] --> <!-- [endif] -->
Салтанатты жиынның өтілуін ұйымдастыруда аудандық мәсілихат депутаты Р.К.Сексенбаева өз ықалын жасап, және 10мың теңге көлемінде демеушілік көмек көрсетіп, келген спорт саңлақтарына сый жасады.
Мұндайда елі де, азаматтарын ардақ тұтатыны бар. Қастерлеп, қадірлейді, барын беріп, сыйлы етеді. «Сыйға – сый, сыраға бал» деген дана қазақ. Туған ауыл топырағын көркейтуге ат салысқан азаматтарға ауыл ақсақалдары алғыстарын жаудырды.
Қазіргі уақытта осы спорт кешенінде күрес үйірмесі өткізілуде. Жақында облыс көлемінде күрес саласы бойынша турнир өтті. Оған көптеген аудан, калалардан қатысушылар қатысты. қорытындысында командалық есеп бойынша ауылымыздың командасы бас жүлдені жеңіп алды.
<!-- [if gte vml 1]> <!-- [if !vml] --> <!-- [endif] -->
Сұлулық пен нәзіктікті, қажыр мен қайсарлықты бiр бойына жинаған арулардың мейрамы күлiмдеген көктеммен қатар келедi. Бұл мейрамның көктеммен қатар келу себебі, ана – өмiрдiң алтын дiңгегi, бар адамзатқа өмiр сыйлаушы. Ал көктемде табиғат ана қайта құлпырып, айналасына шуақ шашады. Ана- тіршіліктің қайнар көзі,махабаттың шуақ күні,мейірімнің кәусар бұлағы-ананы ардақтамайтың халық жоқ.Нәресте өмірінің нәрі-ана сүті демекші 8-наурыз халықаралық әйелдер күніне арналған «Аналар жолымен,әпкелер ізімен» атты тақырыпта ауылымыздың үлкен апа-әжелерін,еңбек ардагерлерін,зейнеткер мұғалім апайларымызды шақырып мерекелік концерт ұйымдастырылып, мектеп директорының атынан 5мың көлемінде ақшалай сыйлық көрсетілді.
<!-- [if gte vml 1]> <!-- [if !vml] --> <!-- [endif] --> <!-- [if gte vml 1]> <!-- [if !vml] --> <!-- [endif] -->
«Қайырымдылық жасасаң, қайырымын өзің көресің» — деген екен дана халық. Қайырымдылық – халқымыздың ең ізгі қасиеттерінің бірі. «Жанашырлыққа – жан риза» дегендей қамқорлыққа алынған балалардың жанашыр қамқоршысы болып, аялы алақанын тосып, жүрек жылуын ұсыну, сауабы мол іске әрбір адамның азаматтық парызы.Адам өміріндегі ең игі істерінің бірі – мұқтаж жандарға қамқорлық жасау. Адамдар бір-біріне қайырымдылық, мейірімділік таныту арқылы жақсылық жасайды.Қамқорлықты қажет ететін жандарға қол ұшын беру арқылы адам баласы жақсылыққа қадам бастайды.Республикалық «Қамқорлық» қайырымдылық акциясы дәстүрлі түрде жыл сайын сөз жалғасын тауып келеді. Акцияның мақсаты «Қазақстан – 2050» Стратегиясында белгіленген балалардың өмір сүру сапасын жақсарту жөніндегі жаңа әлеуметтік саясатты іске асыру. Маңызды міндетіміз қамқорлық жасау.Осы акция біздің мектебімізде де өз жалғасын тапты.Атап айтатын болсақ, мектебіміздегі аз қамтылған, көп балалы отбасыдан шыққан оқушыларға көмектер көрсетілді.Соның ішінде 2-сынып оқушысы Тлеубекова Жібек,10 сынып оқушысы Ноғайбаева Камшатқа мектеп директоры Р.К.Сексенбаеваның өз атынан әр оқушыға 10 мың теңге көлемінде сыйлықтар ұсынылды. <!-- [if gte vml 1]> <!-- [if !vml] --> <!-- [endif] --> <!-- [if gte vml 1]> <!-- [if !vml] --> <!-- [endif] -->